PER A DEMOCRAZIA Y A PRESUNZIÓN D’INOZENZIA  

   As presonas y organizazions abaixo firmans queremos expresar con a mayor contundenzia la nuestra indegnazión y a nuestra alarma debán d’o atentau tan grau contra as libertaz democraticas y contra a presunzión d’inozenzia, alazet de l’Estau de Dreito, que suposa a ilegalizazión d’a candidatura a las eleczions europeyas Iniziatiba Internazionalista – A solidaridat entre os Pueblos, y desichimos a rebocazión d’a correspondién sentenzia d’o Tribunal Supremo.   

   Queremos denunziar tamién a bergoñosa campaña d’acoso y desprestichio orquestada per os grans meyos a lo serbizio d’os poders establius, de bez que expresamos la nuestra solidaridat con Alfonso Sastre y as atrás presonas a qui s’ha prebau de criminalizar per a suya partizipazión en Iniziatiba Internazionalista.